ગુફાઓ: જ્યોતિ લાંજેવાર

 





















એમના અમાનવીય અત્યાચારોએ 
કોતરી કાઢી છે ગુફાઓ 
મારા હૃદયના ખડક પર .
મારે આ જંગલ  થાકેલા પગે  ખૂંદવું પડશે.
નજર ખોડી રાખવી પડશે બદલાતા સમય  પર .
હવે ઉપરતળે થઇ રહ્યું છે બધું.
વિદ્રોહ ભડકી રહ્યા છે  અહીંતહીં.
આટલા વરસ હું ચૂપ રહી છું  સાચુંખોટું સાંભળતી.
પરંતુ હવે મારે માનવાધિકારની જ્વાળાઓને  હવા દેવી પડશે .
આપણે અહીં કેવીરીતે આવી પહોંચ્યા 
જે ભૂમિ ક્યારેય ન થઇ આપણી માતૃભૂમિ
જેણે આપણને આપી નથી  જિંદગી 
કૂતરાં-બિલાડાંની પણ.
હું એમનાં અક્ષમ્ય પાપોની સાક્ષીએ  થઇ જાઉં છું 
અબઘડી  વિદ્રોહી.