1
થયો મહાર પંઢરીનાથ
થયો મહાર પંઢરીનાથ
ઊંચી વસતીમાં રહી
ભૂલ્યો કાળો ભૂતકાળ..થયો
બેસે સાર્વજનિક પૂજામાં
ઝીલતો પૂજારીની લાળ..થયો
કરતો નિજ જાતિનો દ્વેષ
દેતો ગાળ સાંજ સવાર...થયો
માતપિતાથી રહે દૂર
કાપી સંબંધની નાળ....થયો
વસતી , ભૂલ્યો શાળા
જાણે ટાઈ પહેરી જન્મ્યો બાળ...થયો
લગ્ન, મરણ મહીં જાતિનો જ આશ્રય
અન્ય વેળા જાતિ ગંદી ગાળ....થયો
જતો નથી હું એની પાસ
થયો મહાર પંઢરીનાથ...થયો
2.
હું રમવાનો છું રમત
હું રમવાનો છું રમત
નિરોગી સ્પર્ધા
હું આંખો બંધ કરીને રમતો નથી.
રમતમાં હું ચોર બનવાનો નથી.
સંતાકૂકડી મારે રમવી નથી.
લંગડી રમવી મને ગમતી નથી
રમત હું રમી શકતો નથી,
એ આટા પાટા.
કારણ વગર ખો આપવી નથી.
વિઘ્નસંતોષીની રમત રમવી નથી.
મારા નસીબમાં નથી
દેવ, કઠપૂતળી, અંધકારની રમત.
ટૂકડાની, ટૂકડા માટે, ટૂકડા દ્વારા
રમવામાં આવતી રમત હું મૂળે રમવાનો નથી.
હું રમવાનો છું રમત
નિરોગી સ્પર્ધા.
No comments:
Post a Comment