મારી ભીતરનો અંધકાર: વામન દાદા કર્ડક

 એકદમ ઉઘાડી

હું શોધું છું મારી ભીતરનો અંધકાર

મારી આંખો દુઃખે ત્યાં લગી.

કહે છે

જ્યાં ન પહોંચે રવિ, ત્યાં પહોંચે કવિ.

સર્જકતાનો દીવડો ના સળગે.

અંધકારમાં ડૂબેલા ગામે કોણ આવે?

કોઈએ ઢાંકી દીધાં છે સૂરજ

પૂર્ણ ચંદ્ર ને ચાંદની.

કોઈ ગળી ગયું છે આકાશ?

સુરીલો અવાજ છે મારો

જે રણઝણે છે મારા કાનમાં સતત.

દારૂગોળો થઈ

ઉડાવી દે ફુરચા અંધકારના.

તારી ભીતર છે

જળ, તેજ,વાયુ.

મુક્ત કરો એમને.

આકાશ પાસે જાઓ, વાદળ થઈ.

વરસાવો વરસાદ.

ધરતીની તરસ છીપાવો.

ચમકતા તારા થાઓ. ધરતીને આપો પ્રકાશ

પવન પર થાઓ સવાર.

અંધકારના લશ્કરને મારી ભગાડો.

શોધો આકાશ, ચંદ્ર, સૂરજ, તારા.

પ્રકાશ છે તમારી ભીતર.

પ્રકાશ છે તમારી ભીતર.

થાઓ આવતી કાલના  સૂરજ.