ઘર
તેત્રીસ કરોડ બારીઓ
સાથે કેટલાય ઝરૂખા
મને નાગો કરનારા પડદા
મારી આતરડીની ઝાલર.
દોસ્તો,
મારે નહોતી જોઈતી
આ બારીઓ
આ ઝરૂખા
મારે જોઈતો હતો એક એવો દરવાજો
જેમાંથી હું બહાર આવી જઈ શકું
એટલે મેં કાલે જ બદલ્યું
મારું ઘર.
પણ મારા આ ઘરમાં પણ છે
તેત્રીસ કરોડ બારીઓ
વળી વધારે બારીઓ
થોડા ઝરૂખા
ને થોડા નાના મોટા ઝરૂખા
મને નાગા કરતા પડદા
આંતરડીની ઝાલર
ને પુસ્તકિયા આદેશ મુજબ કૂદનારાં
તીડ.
દરવાજો છોડી દઈ
મેં ઘર બદલ્યું છે , દોસ્તો.
No comments:
Post a Comment