પેન્થર એકલવ્ય: ત્ર્યંબક સપકાળે

વિદાય સમારંભ વખતે
દ્રોણ સરે જાહેર કર્યું,
વિદ્યાર્થીમિત્રો,
મારી સ્મૃતિ રહે
તે માટે માગી લો
જે માગવું હોય તે.

કોઈએ માગી કલમ.
કોઈએ કાંડા ઘડિયાળ
એક જાણે પોતાની ચોપડી પર લીધા
એમના ઓટોગ્રાફ.
ઝટ ઊભા થઈને
પેન્થર એકલવ્યે
માગી લીધો
દ્રોણ સરના જમણા હાથનો અંગુઠો!
અંગુઠો આપતાં આપતાં
કહેવા લાગ્યા દ્રોણ સર
જો તેં માગ્યું હોત આ માથું
તો એય આપી દેત તને!
પેન્થર એકલવ્યે કહ્યું-
જમણા હાથ જેટલો જ ડાબો હાથ પણ જરૂરી છે
એ યાદ રહે.
આ દેશનું વિચારક નેતૃત્વ
હવે માગે છે
તમારા હાથનો અંગુઠો
જમણા હાથનો અંગુઠો!