હું તૈયાર છું વિદ્રોહ માટે : યશવંત મનોહર

વિદ્રોહની લાગણીથી હું ધગધગી રહ્યો છું ને તમને આહ્વાન કરું છું.

હું તમારી તલવાર પર લખીશ વિદ્રોહની કવિતા.

આજે હું થઈ ગયો છું ઝંઝાવાત ,આવો મારી સાથે.

હું આવ્યો છું તમારી કને, લાવો તમારો હાથ.

હું થઇ ગયો છું આગ, આજે હું ભડભડ બળતો-

વાચા આપો તમારી ભીતરના જ્વાળામુખીને.

મને હોશ નથી, ના કાબૂ,

શબ્દોનું બનાવી નિસીમ આકાશ.

હું કૂદી પડીશ યુદ્ધમાં

જો જીતું તો બોલજો જિંદાબાદ

જો તૂટું તો દાટજો બહુ ઉંડે.

જો આવું તમારે દ્વાર મૂંઝાયેલો , કોશિશ કરજો સમજવાની.

જો પાછો આવું, લોહીલુહાણ, મને છાતીએ ચાંપજો .

જો ત્યાં મરું, મારા દેહને સ્હાજો તમારા બાહુઓમાં .

કોઈ મને આપો ધરપત કે હું તમારો ને તમે મારાં છો,

સારજો આંસુ એક બે, રાખજો યાદ કાયમ!