એમની સનાતન દયા:નામદેવ ઢસાળ

એમની સનાતન દયા ફોકલેન્ડ રોડના

ભડવાથી ઊંચી નથી.

એમણે કોઈ શમિયાણા બાંધ્યા નથી

આકાશમાં આપણે કાજે.

ધનકુબેરોએ એમની તિજોરીઓમાં કેદ કરી દીધો છે

પ્રકાશ

આ જિંદગીમાં

ફૂટપાથ પણ આપણા નથી.

એટલી દરિદ્રતા કે માણસપણાને ઉબકા આવે .

સૂકાઈ ગયેલાં આપણાં આંતરડાં

પેટ આપણે ગંદકીથી પણ ભરી શકતાં નથી

દરેક નવો ન્યાયી દિવસ લાંચ ખાધેલ હોય એમ

એમને જ ટેકો આપે છે –

એમના ઉદાર હાથોમાંથી

આપણી કતલ થાય છે ત્યારે

આહ પણ સરી જતી  નથી.

અનુવાદ સહાય: 

ડો.રચના પ્રદીપકુમાર પોળ