આવતીકાલ :વામન નિમ્બાલકર

મને પરોઢનું સપનું આવે છે.

ગામ બહારનું અંધારું દૂર થવાનું છે.

અજવાળું થયા બાદ અમારા હોઠ પર

પ્રકાશગીતના સ્વર દસે દિશાઓને ભરી દેશે.

આ રીતે બધા એક  થઇ જાઓ,

હાથમાં હાથ મેળવી પ્રકાશનાં ગીત ગાઓ.

પેલું દૂર દેખાતું પ્રકાશ કિરણ જ

આવતીકાલનો સૂરજ થવાનું છે.

એ કાજે એક થાઓ, એકમેકના હાથમાં હાથ પરોવી.

અંધકારનો આ પહાડ આપણે ઉઠાવી ફેકી દઈ શકીએ છીએ.

અનુવાદ સહાય: 

ડો.રચના પ્રદીપકુમાર પોળ

ડો.મોહિત શરદ શોલાપુરકર