એનું ઘોડિયું મૂકવા માટે: ત્ર્યંબક સપકાળે

પરમેશ્વર તું રહ્યો

નામનો જ ધણી

કંકુનો જ માલિક

બુઢ્ઢો ધણી

ખાલી ગમ્મત માટે હોય તેવો.

તારી સમક્ષ માણસાઈ પર

કર્યાં બળાત્કાર

તારું થૂંક ઝીલનારાઓએ .

તો પણ તું બાયલો જ છે

તારે પણ છે  લિંગ

પુરુષાતનનું પાણી નથી.

તું થાય છે મોહિની

ત્યારે પણ હોય છે આ  અનવોન્ટેડ ફ્લેશ?

અમે  ગોડમેકર,

તને આપીએ છીએ  નોટિસ

નેગ્લીજીયંસ ઓફ ડ્યુટીની

યોર સર્વિસ ઇઝ નોટ રીક્વાયરડ .

લાલ લાલ કિરણો પ્રસરી રહ્યાં છે

ઉગતા સૂર્યનાં

અડધા  જગત પર.

તારા કાનમાં કહું છું :

કાલે  જન્મેલા બાળકનો

ધૂમધામથી નામકરણ વિધિ થવાનો છે  

ખાલી કર જગ્યા તારી

એનું  ઘોડિયું મૂકવા માટે.

અનુવાદ સહાય

ડૉ.મોહિત શરદ શોલાપુરકર