બોધિવૃક્ષ: દામોદર મોરે

આ ભયંકર રાતના અરણ્યમાં

ક્યાં થયો હશે મારો જન્મ?

ઊંચાં ને ઊંચાં ઘટાદાર વુક્ષો

કેમ આવવા નથી દેતાં 
પ્રકાશકિરણોને મારી તરફ?

કેમ આપે છે મને એ જંગલી અવાજ ધમકી

ને આ હિંસ્ર ચોપગાંનાં ટોળેટોળાં  કેમ ચડી આવે રહ્યા છે મારા દેહ પર

ને એમના તરસ્યા દાંત ને ઝેરી નહોરથી  શું કામ કરી મૂકે છે મને લોહીલુહાણ?

અસહ્ય થઇ ગઈ છે મને

આ  જીવલેણ મૃત્યુ વેળાની પીડા.

એટલે જ મેં કાઢી છે મારી પુરાણી છરી

જે હું વાપરતો મરેલાં ઢોર ચીરવા.

એ છરી હું ઘસીઘસીને ધાર કાઢી રહ્યો  છું

મન પર પથ્થરબોજ  રાખી,  ,કઠોર લાગણી સાથે

પરંતુ આ નિર્ણાયક ઘડીએ

કેમ " ના! ના!" કહે છે આ બોધિવૃક્ષ !

અનુવાદસહાય:

ડૉ.મોહિત શરદ શોલાપુરકર